47歲楊卓娜與有「燈箱大王」之稱的男友楊志翹相戀18年,兩人的女兒舒然2009年出世。楊卓娜照顧男友及女兒,也對男友與前妻所生的兩個女兒視如己出,贏得「最強繼母」稱號。談到與男友至今未婚,楊卓娜坦言兩人早已以夫妻相稱。「我經常問佢係咪唔諗住娶我,仲話今年犯太歲,相士話冲喜。佢就喺度笑,話咁就去註冊啦。不過,咁註冊我又唔得,我都想註冊,但佢冇表示。以前佢隔兩個月就向我求婚,當年我覺得經常有人求婚幾過癮。我麻煩啲,生完又想喼弗啲先,之後又想等細女大個可以做花女。依家細女都大到可以做伴娘,但佢近10年冇求婚喇,我又唔想向佢求婚。呢件事始終都會做,我都有問老公可唔可以唔好等到我老咗至去做,順其自然喇﹗」